Напярэдадні 15-годзьдзя стварэньня грамадзкага аб’яднаньня «Беларуская асацыяцыя журналістаў» арганізацыя абвесьціла конкурс тэматычна аб’яднаных матэрыялаў сярод сродкаў масавай інфармацыі ды інтэрнэт-рэсурсаў.

Фонд Біла і Мэлінды Гейтс (The Bill & Melinda Gates Foundation,  http://www.gatesfoundation.org/) абвесьціў чарговы конкурс на атрыманьне грантаў па трох кірунках: 1) глябальнае здароў’е, 2) разьвіцьцё й барацьба зь беднасьцю, 3) адукацыя й інфармацыя  для Эўропы, Азіі, Афрыкі, Паўночнай ды Паўднёвай Амэрыкі.

Міжнароднае аб’яднаньне “Грамадзянская Беларусь” (Прага, Чэская рэспубліка) абвяшчае конкурс для НДА.

Мэта конкурсу - актывізацыя грамадзтва.

Прыярытэт будзе аддавацца крэатыўным падыходам да ўцягваньня новых людзей у грамадзкую дзейнасьць праз правядзеньне грамадзкіх кампаніяў, скіраваных на прыцягненьня ўвагі да мясцовых і нацыянальных праблемаў. Важным будзе лічыцца акцэнт на каштоўнасьці дэмакратыі і нацыянальнага адраджэньня.

Працягваецца фотаконкурс «Беларусь шматлікіх культураў" адрасаваны вучням старэйшых клясаў і студэнтам.

Ідэя конкурсу – пазнаёміцца зь беларускаю культурай з дапамогай фатаграфіі. Удзельнікі конкурсу на сваіх здымках мусяць прадставіць рэлігійныя й гістарычныя помнікі, абарончыя збудаваньні, замкі ды палацы.

 Пераможца конкурсу паедзе на экскурсію ў Брусэль.